“Geroz eta proiektu gehiago izan, orduan eta hobeto” diote irabazi asmorik gabeko Goteo.org crowdfunding plataformatik. Meta!-z ari dira, euren webgunean dagoen deialdiaz. Bertan, Gipuzkoako “kultur arloko ekimen, programa, produkzio kultural, zerbitzuk…” har dezake parte datorren ekainaren 19ra arte. Parte hartzen duten proiektu guztien artean, 20 hautatzea da ideia. Organizazio edo pertsona bakoitzak nahi adina proiektu aurkez ditzake konbokatorian, baina bakarra izango da hautatua. Deialdia amaitu ostean, proiektuak ebaluatu eta hautatuko ditu epaile batek -Gipuzkoako Diputazioko eta Goteo Fundazioko kideek osatua-.
Hautaketa ekainaren 20 eta uztailaren 25 bitarte egingo da, eta irizpide zehatz batzuk (kalitatea, esperientzia, transparentzia…) hartuko dituzte kontuan; hemen kontsulta daitezke. Irailaren 15ean hasiko da atzera kontua mikromezenazgoaren eta hautatutako proiektuen kanpainarekin; hauek, proiektuaren gutxieneko aurrekontu hobe ezin bat edukiko dute 40 egunez bakoitzak (guztira, 80 eguneko kanpaina)
Diputazioak, aportazio indibidualak betetzeko, 70.000 eurorekin lagunduko du Goteoren webgunean deritzon Capital Riego. Hau da, deialdian hautatutako proiektuetan jarritako euro bakoitzeko, Diputazioak beste euro bat jarriko du, 3.500 eurotara iritsi arte. Goteok antolaturiko gainerako cowdfrundig kanpainetan bezala, laguntza zenbatekoa den ikusi ahal izateko, ezarritako epe mugan gutxieneko aurrekontua lortu beharko du proiektu bakoitzak. Proiektu bakoitzak izango ditu aurkezpenerako bere tokia, berrientzako eta aktualizazioentzako blog bat, 2.0 komunikazio erramintak, etab.
Jakin al daiteke zeintzuk diren deialdian parte hartzen duten proiektuak? Zein ezaugarri dituzte? Nolakoak dira? Momentuz, ezin dugu jakin. 50 proiektu aurkeztu dira dagoeneko, baina epaimahaiaren filtroa pasa eta corwdfunding kanpainarako hautatuak izango diren 20 proiektuen berri bakarrik izango dugu.
Denis Itxasok eldiario.es-en azaldu duenez, “proiektu sortu berriak izan behar dira, kultura ofizialetik aldentzen diren sorkuntzarekin zer ikusia dutenak”. “Sortzaileen garaia iritsi da: izan modan, zinean, musikan, arte eszenikoetan, sukaldean…” Goteotik gauza bera diote: “Iniziatiba kultural handietan sartzen ez diren proiektuak elikatzea dugu helburu. Komunitatearen laguntzarekin bat egiten duten proiektuak dira, sorkuntzarekin zer ikusia dutenak, industria ofizialarekin bat ez datozenak”.
Ez dago komentariorik