Sara, Frank taldearen abeslariak esan zuen lau aldiz kantzelatu egin behar izan zutela beraien kontzertua eta jarraian “In the Storm” abestiaren doinuak hasi ziren eguzkiak gogor jotzen zuen bitartean. Azkenean Musika Parkean zeuden haien kanta dotoreak eskaintzen eta Neil Young (“Like a Hurricane”) handiarekin ausartzeko atrebentzia erakutsi zuten. Ez zitzaien batere gaizki atera. Xabier de la Mazak, aldiz, Musika Parkea ekimenaren antolatzaileak, lastoz egindako kapela bat zeraman buru gainean. Poz-pozik zegoen. Bidebieta-La Paz parkera hurbildu zen jende askok ez zuen izen ospetsua duen Salvador Allende parkea ezagutzen eta Shangai (edo Bilbo) antzerako etxe orratz batzuen atzean erdi ezkutatuta dagoela konprobatu zuten.
Gu ere han egon ginen. Bitxia izan zen Albert Cavalier gazteen konztertua ikustea: Californian lantzen den garajeari egurra eman zioten eta familia osoarekin etorri zirenak 50 metrotara eseri ziren itzalean eguzki izpiak eta soinu altua ekiditzen. Euskal Herrian normala izaten dira talde eta ikusleen arteko 3 metro horiek. Kasu honetan erraz gainditu ziren. Neska-mutilen ikuskizuna ondo egon zen eta 20 urteko gazteei aproposa den adierazpen motako batekin agurtu ziren: “Sábado noche, domingo mañana” izeneko abestiarekin hain zuzen ere. Ondorengo argazkiak Lorena Oterok egin ditu:
Albert Cavalier, frenorik gabe ziztu bizian:
Eta hemen Frank, ekaitzaren ostean:
Salvador Allende & Musika Parkean:
Ez dago komentariorik