Getaria-Zarautz itsas-zeharkaldia gure inguruko lasterketarik ospetsuena da. Itsasoan barrena igerian hasten den ororen helburua da; baina beteranoa bazara ahalik eta azkarren burutu nahiko duzu bi herrien arteko distantzia. Inskripzioak -1.900 partehartzaile- ziztu bizian agortu ziren. Aurreko urtean bezala (1.800 partaide). Itsas zeharkaldietako Behobia da baina ez da frogarik epikoena. 2.850 metro dira eta abuztu erdialdean izaten den Paseo Berriko zeharkaldia baina apurtxo bat laburragoa da (2.950); hila bukaerako irlako zeharkaldia baino motzagoa ere bada (3.000). Gainera, normalean Getaria-Zarautzeko itsasoaren kondizioak hobeak izaten dira, sakonegia ez den itsasertzean gauzatzen baita.
Zarautzen izaten da igerilarien konzentrazio-deia baina, aldiz, irteera Getariako portuan dago kokatuta eta honek jendea nahastu dezake. Bertan, Munoa plazako zabaldegian, partaideak euren materiala hartu (kapela, kamiseta eta chip-a) eta kaleko arropa uzten dute. Antolatzaileek ipintzen duten autobusetara igo eta Zarautzetik Getariara abiatzen dira. 1.900 igerilarien artean (neskak kopuru osoaren %30a dira) bost irteera ezberdin ezartzen dira, erregistraturiko denboraren arabera. Ondorioz talde bakoitzaren kapelaren kolorea ezberdina izaten da: beltza 45 minutu baino gutxiagoentzat (1go taldea,“marrazoak”), eta hortik aurrera (2) txuria, (3) horia, (4) urdina eta (5) laranja-kolorekoa nolabaiteko minusbaliotasuna dutenentzat. Hau guztia kontuan izan behar da igerilariak iristen diren helmugara bazoaz: lehen taldean atera ez bada, hamabiak puntuan baino beranduago aterako zen ikustera joan zaren partaidea.
Foto: David Aprea
Zeharbidearen jatorriari buruzko informazioa bilatzea zaila da. Badirudi Zarautzeko Cachi Bachi soziedadean hasi zela dena eta 40 urtez bi portuen artean izan dela ibilbidea; beraz, gaur egun baino apurtxo bat motzagoa zen. Partaidetzaren kopurua igo zenean ibilbidea aldatu behar izan zuten. Carlos Santana (76 urte) da urte guztietan parte hartu duen igerilariaren izena. Aurten, 46. edizioan, ere ez du huts egingo.
Azken orduko urduritasuna eta platanoak (potasioaren iturri). Baselina bainujantziaren ertzean ipini salitrearen urratua atera ez dadin. Irteerako ukondo-kolpeak, esku-zartak eta belaunkadak. Erritu batzuek berberak dira zeharkaldi guztietan baina Getaria-Zarautzek erritu propioak ere baditu: San Fermín santuari abestu (bai, Iruñeko entzierroetan bezala) Getariako portuaren ahoan, justu horma-hobiaren azpikaldean.
Oharra: senide, lagun edo ezagunen bat domina batekin badator Getaria-Zarautzeko bueltan zeharkaldia irabazi duela esaten, ez kasurik egin (Irati Mendia deitzen ez bada). Hemen mundu guztiari ematen diote domina. Getaria-Zarautzen, saria partehartzea da. Eta barnetik gozatu.
Ez dago komentariorik