Azken urteotan gipuzkoarron arreta erakarri du zabor bilketa sistemak. Gai honen inguruan kontrako iritziak azaldu dituzte lurralde honetan indar gehien duen ezker abertzaleak eta gainerako alderdi politikoek. Hamaika lekutan eztabaidatu izan da auziari buruz: Batzar Orokorretan, udaletxeetan, tabernetan, familian… Alde eta kontrako firma bilketak jarri dira martxan, zabor poltsez apainduriko balkoiak ikusi ditugu, batzuek birziklatze ratioa %90era igoko dela diote, ipar europarrekin berdintzen gaituela, beste batzuek aldiz, zikina dela eta eragozpenak besterik ez dakartzala… Badirudi urte luzez arduratu gaituen euskal gatazkak baduela ondorengorik: Zer egin hondakinekin?
Ez gara Gipuzkoan Atez Ateko ekimena ezarri behar den edo ez esatera etorri. Izan ere, ez dugu Atez Atekoak xede duen eraginkortasunari buruz informazio kontrastatu nahikorik. Alde eta kontrako argumentuak beraz, eman ditzatela beste batzuek. (LINKA)
Auzia ikuspuntu superfizial eta estetiko batetik landu nahi dugu. Nola aldatu dira Atez Atekoa ezarri duten herriak? Zein da haien aurpegi berria? Adibide bat jartzearren, Usurbil eta Astigarragak Usurbil eta Astigarraga izaten jarraitzen dute? Onar dezagun: Gipuzkoa beste bat da Atez Ateko ekimena martxan jarri denetik. Aldaketaren arduradunak ekimenaren alde eta kontra daudenak dira.
*Oharra: Badakigu argazkiak tranpatiak izan daitezkela, beraz, bildu ditugun argazkiek auziaren ikuspegirik zabalena azaltzen dute.
*Bigarren oharra: El Diario Vasco, Noticias de Gipuzkoa, El País, Berria eta webgune instituzionaletatik hartu ditugu irudiak.
-
- Antzuola
-
- Astigarraga
-
- Astigarraga
-
- Hernani
-
- Hernani
-
- Legazpi
-
- Legorreta
-
- Legorreta
-
- Lezo
-
- Lezo
-
- Usurbil
-
- Usurbil
-
- Usurbil
2 Komentarioak
Eskerrik asko zure iruzkinarengatik, lehenik eta behin. Gure testuaren helburua, ikusiko zenuen bezala, atez atekoaren eragin estetikoan oinarritu da. Ez genuen eritzirik bota nahi… eritzi sendorik ez dugulako, alegia. Gipuzkoan sistema berria martxan jarri bada eta ratio horiek horrela baldin badira, ados. “Then & Now”-rena apuntatuko dugu, ezbairik gabe. Milesker berriro ere eta ongi etorria zuri ere bai!
Ongi etorri Kulturaldiari, eta barka punta ateratzen hastea, baina “Atez Atekoak xede duen eraginkortasunari buruz informazio kontrastatu nahikorik” ez dagoela gezur galanta da.
Sistema berria martxan jartzen den lekuetan publiko egin dira birziklapen tasak eta denetan %70etik gora dabiltza. Hala da hemen eta hala da mundu osoan atez atekoa martxan jarri den lekuetan. Sinistu nahi ez duena libre da horretarako noski. Libre den bezala sinisteko eguzkiak lurraren inguruan buelta ematen duela eta ez alderantziz. Baina gauza batzuk aski frogatuta daude honezkero.
Btw, ondo iruditzen zait atez atekoaren inpaktu estetikoaz hitz egitea. Hobe irudituko zitzaidan “then&now” egin izan bazenute. Alegia, goiko irudi horiek konparatu izan bazenituzte, adibidez, uda honetan bertan Grosen hartutako instantanea polit honekin: http://t.co/rD14i0JCdC
“Trash art” deitu diezaiokegu, zabor hutsa dela ez esateko. Kontua da, usain txar samarra daukala galeria batean erakusteko.