Uda primerako garaia da Donostian izaten diren jaialdi ezberdinez gozatzeko eta baita antzerkira joateko ere. Seguruenik urteko garairik onena. Uztaila eta abuztua artean Victoria Eugenia eta Antzoki zaharrean 25 funtzio antolatuko dira, 113 saio guztira, bai gazteleraz eta baita euskeraz ere.
Hasi berria dugun uda honetan Concha Velasco, Asier Etxeandia, Verónica Forqué, Joseba Apaolaza eta Ramon Agirre, besteak beste, ikusi ahal izango ditugu. Gainera %20ko murrizketa berezia izango dute bi ikuskizun edo gehiagorentzat sarrerak hartzen duten guztientzat. Uztaila, antzerkiari dagokionez, indartsu hasi da:
“El Intérprete”, Asier Etxeandia
Noiz: uztailak 3tik 5era bitarte
Non: Victoria Eugenia
Prezioa: 20, 24 eta 28 euro
Sinopsia: kontzertua eta antzerkia pack berberean. Musikal anitza, Asier Etxeandiaren berri izango duguna haren bizitzan garrantzia izan duten musikagile eta abestien interpretazioekin: Chavela Vargas, Gardel, Talking Heads, David Bowie, Rolling Stones…
Zergatik merezi du: antzerki-kontzertu nahasketa potentea delako. Ziragarria hasieratik bukaeraraino. Eta Madrilen izugarrizko arrakasta izan du. Asier Etxeandiaren lanik ikusgarriena.
“15 años no es nada”, Carlos Latre
Noiz: uztailak 9tik 12ra bitarte
Non: Victoria Eugenia
Prezioa: 22, 28 eta 35 euro
Sinopsia: Carlos Latre berriro itzuli da antzerkira lanbidean 15 urte bete dituela ospatzeko. Horretarako, aktoreak one-man-show hurbil eta jostagarri bat muntatu du, non irratian, telebistan, zinean, publizitatean eta antzerkian egindako lanaren erreferente guztiak berrikusten dituen.
Zergatik merezi du: batzuentzako besteentzako baino barregarriagoa izango da, baina ezin zaio ukatu Carlos Latreri duen gaitasuna besteen azalean ipintzeko, 150 pertsonai guztira. Respect.
“100 metro karratu”
Noiz: uztailak 9tik 12ra bitarte
Non: Antzoki Zaharra
Prezioa: 15 eta 20 euro
Sinopsia: Juan Carlos Rubiok, testuaren egileak, bere bizitzan jasan zuen istorio txiki eta kafkianoa da abiapuntua: pisu bat erostera abiatu zen eta jabeak esan zion azkenean erosten bazuen elkarrekin bizi beharko zutela. Umorea eta drama.
Zergatik merezi du: lehenik eta behin Iñake Irastorza eta Ramon Agirre bezalako antzezleekin gozatzeko. Lehengo urtean estreinatu zuten saioa eta berriz ere gure artean itzuli da. Zerbaitengatik izango da.
“The Hole 2”
Noiz: uztailak 15etik 19ra bitarte
Non: Victoria Eugenia
Prezioa: 28tik 50 eurora
Sinopsia: urtebete pasa da The Hole saioa donostiara etorri zenetik. Arrakasta izugarria izan du. Eta berriro ere antzerkia, kabareta, zirkoa eta umorea izango ditugu izugarrizko koktel batean. Guzti hau ohikoa den lotsagabekeri eta sentsualitatearekin, noski.
Zergatik merezi du: originala eta transgresorea delako. XXI. mendean kabaret erraldoi eta erakargarria egin daitekelako. Eta Álex O’Dogherty maisulan moduan ikusi nahi dugulako, umorea eta kritika soziala konbinatzen.
“Insatisfechas” (Belinda Washington, Miriam Díaz Aroca eta Rubén Sanz)
Noiz: uztailak 30etik abuztuak 2ra bitarte
Non: Antzoki Zaharra
Prezioa: 20-25 euro
Sinopsia: “Kaleko” Thelma eta Louise-en antzera, Belinda Washington eta Miriam Díaz Aroca-k beraien bizitza aspergarri eta grisak atzean uzten dituzte Benidorm-era abiatzeko. Baina gauzak ez dira hasiera batean uste zuten bezala aterako.
Zergatik merezi du: bikote protagonista “txoni” eta “poligonera” modura ikusi nahi ditugulako. Emaitza ona bada sarreraren prezioa amortizatua egongo da. Dudarik ez.
Ez dago komentariorik