Pasa den azaroak 29an Dokara joan nintzen eta ez nekien zer aurkituko nuen. Aurreko egunean Facebook-eko kontaktu batek KA siglak nabarmentzen ziren kartela partekatu zuen, Kultura Alternatiboa alegia. Irakurri ondoren konturatu nintzen KA izeneko erakundean esparru ezberdineko artistez osaturik dagoela. Beraien helburu nagusia, kartelaren arabera, artista horien aktibitateak ikusgai egotea da eta, aldi berean, baliabide ekonomikoen atzean dabiltzate, beharrak antzeman, idei ezberdinen foro bat garatu, informazioaren trukea…
E-mail bat idatzi nien eta animatu zidaten datorren bilerara joan eta parte hartzeko. Baina lehenik eta behin pentsatu nuen: “Zein izango da guzti honek egingo didan ekarpena?”. Ulertu dezaket musikaria bazara gainontzeko musikariekin elkartzeko aukera polita dela, baina nire kasuan, idaztea atsegin dudala, bakardadean egiten den zeregina…
Dokara abiatu eta bertan Jokin Telleria, Xpressionk-eko tipoa, topatu nuen. Oso ondo azaldu zuen guzti hura. KA 2012an jaio zen Gune Irekiak erakundearekin batera lehenengo Open Space metodologia, -talde handien arteko elkarrizketan oinarrituta- martxan jarri zuenean. Gaia “Euskal Herriko etorkizun artistikoaren mugimendua” zen eta batik bat guztion arteko elkartsuna izan zen handik atera zen idearik garrantzitsuena.
Para bat urte ondoren KA libre eta horizontala da. Ez dago inongo instituzioaren menpe. KA-k “gune irekia” proposatzen du Topaketa-k bilguneetan edonor joan dadin. Lehen pausoa, gorago aipatu dudan bezala, artisten elkartasuna eta bisibilizazioa izango litzateke ahalik eta promozio handiena lor dezaten eta honekin batera, noski, finantziazioa. Eta Topaketa hauetan ateratzen diren beste hainbat idei eta proposamen: truke foroak, datu base irekiak, etab.
Xpressionk-ek proposatzen ditu topaketak, baina KA-ren jabetza ez da beraiena, ezta gutxiagorik ere; plantemendu horizontala nagusitzen baita hemen eta persona guztiak, ondorioz, dute balio berdina. Horretarako Open Space edo World Cafe izena duen sistema erabiltzen da. Esate baterako, Open Space hauen printzipioetako bat “edonor” ongi etorria dela. Ez dio axola zein den haren motibazioa, “egokia” izango da bertan egoteko.
Dagoeneko zenbait topaketa egin dira iraila geroztik eta bihar larunbata 19 KA Topaketa#3 ospatuko da. Ez baldin badakizu zein izango den egingo dizun ekarpena beldurrik gabe abiatu zaitez. Ondo pasako duzu eta jendea ezagutuko duzu. Gainera, idei ezberdinak plazaratu ditzakezu guztion artean kultura alternatiboa apur bat hobetu dezagun, eguneroko kulturarekin dugun erlazioa hain zuzen ere.
KA topaketa#3
Larunbata 19, 11:00
Doka Antzokia (Donostia)
Etortzea / info: jokin@xpressionk.net
Ez dago komentariorik