1. Elkano Browning Cream-en kontzertua
Hirukote internaziolaren groove-a (Mikel Azpiroz Donostian bizi da, Frank Mantegari, Parisen eta Dave Wilkinson Bartzelonan) estreinu garaian dago. Eta nola ez, ezin geldirik egon. Haien disko berriaren “Uh Eh” aurkezpena dela eta, Elkano Browning Cream Radio 3ko estudioan izan zen atzo, eta Madrilgo Café Berlin-en ere aritu ziren. Gaur, arratseko 20etan, Kubo aretoko eszenatokian arituko dira. Sarrera doakoa da.
Haien atzean, eta hiri handi baten skyline-a simulatzen duten alboetako aldamioetan irudi iradokitzaileak proiektatuko dituzte. Lortutako emaitza asteartean Frank boskote donostiarrak asteartean eskainitakoaren pareko bada, ikus entzuneko honen konbinazioak bere egingo du publikoa. Eta musika zaleentzat garrantzitsuagoa dena: Elkano Brownung Cream ikusi eta Fleshtones taldearen kontzertura iristeko denbora izango da.
2. Aldamio artean paseatzea
Duela gutxirarte, Kutxako Kubo aretoak El Paso, Espainiako abstrakzioan aitzindariak, taldearen erakusketa jaso du. Rafael Canogar, Luis Feito, Antonio Saura eta konpainiaren 62 obraz gozatzeko aukera izan da bertan. Modu honetan, Kutxa Kultur Hiria martxan jartzearen arduradunek oso denbora gutxi izan zuten espazio hura moda, arte eta musika areto bilakatu ahal izateko. Gunea eraldatzeko aukera gutxi zegoen, eta merkea izan behar zuen. Irtenbidea: aldamioen erabilera originala. “Aldamioekin ere arkitektura egin daiteke. Gune honetan, ez daude arazo konstruktiboa konpontzeko jarriak. Espazio berri bat eraikitzen dute, arkitekturarekin zerikusia duten gauzak sortzen dituzte”, dio Edorta Subijana artista multidisziplinarra eta erakusketa gauzatzen duten iniziatiba askoren arduradunak.
“Fijatzen bazara, aldamioek kontzertuetarako gunea sortzen dute, proiekzio eta formatu artistiko ezberdinetarako euskarria ematen dute, bereizi baino, batu egiten ditu espazioak…” dio. Aldamioen artean paseatzen duenarentzat aretoa obretan dagoela dirudi. “Hiria obretan dagoela erakusteko nahiak badu bere esanahia. Gorpuztu egiten du erakusketa”
3. Donostia ikusezinaren fotomuntaia
Beharbada irudi hau da bisitariak harritu dituena. Hiri ikusezina hau ere Edorta Subijanaren obra izaki, hiriko gune ezkutuen fotomuntaia arkitektonikoen bitartez osatzen da. “Donostiako hirigunean badaude ere, hiritarrak ez ditu gune hauek ezagutzen. B aurpegiak bezalakoak dira: askotan igaro gara haien albotik, baina paretak, lurra eta edifizioen teilatuak nolakoak diren ez dakigu”.
Bildutako argazkiek era askotako ikuspuntua erakusten dute: ludikoa (Urumea ibaian flotatzen duten plastikozko ahatetxoak, Atotxako dorreko txirrista), ekologikoa (hiri baratzak), moda desfilea nautikoan, Mirakontxa azpiko merkatua… Zergatik ez ditugu hauek praktikan jartzen? “Ez da oso gauza erradikala, eta adin eta estilo guztietako publikoagatik izan da onartua”, dio Edortak. “Funtsean, hori da nire obrarekin lortu nahi nuena, hiritarraren pertzepzioa aztoratu eta debate bat sortzea; jendeak hiriko arteari buruzko iritzia eman dezan lortu nahi nuen, horrela eurek ere obraren parte aktibo izanik”.
4. Bi arte galeria bakar batean: Saga 27 eta Catalina de Erauso
Erakusketa honetako beste erakargarrietako bat Kuboko paretetatik eskegita dauden koadroak dira. Catalina de Erauso arte klubak eta Saga 27 Galeriak bertako artisten lanekin ekarpen zoragarria egin diote erakusketari. Bi galeria espazio bakarrean. Gernikako arbola paseoan dagoen galeriak eskainitakoen artean, Iñaki Intxaustiren kolore eztandak, Julietta Metralletaren Ignacio Wert pentsalariak, Arkaitz Olarraren argazki ahalmentsuak, eta nola ez, Diego Matxinbarrenaren estruktura geometrikoek erakarri gaituzte gehien.
Detritusek ikusgai harritako dimentsio handiko olioa ere interes handikoa suertatu zaigu. Hau, bere estetika punk-aren eta pintore etapa berriaren artean sortu duen “Tertulia errante”-ren inaguratzailetzat hartu du. Catalina de Erausoren kolekziotik, Santos Serranoren “Maldiba” eta Juan Berrozpe, Borja Hernández eta José Luis Gilen hiriko atmosferak izan ditugu gustukoen.
- Santos Serrano
- Iñaki Intxausti
- Diego Matxinbarrena
5. Moda desfilea
2013an kaleetan zehar egindako Kutxa Kultur Hiriaren desfilea aurkikuntza izan zen: desfilea hiriko kale nagusietan zehar egiteak kutsu espontaneoa eman zion. Astearte gauean, inagurazioaren egunean, hainbat modelok Kubo aretoan zeuden publikoaren artean egin zuen bere desfilea. Desfile hau, bihar, larunbata arratsaldeko 20etan izango den desfile naguasiaren aperitiboa besterik ez zen izan.
Ez dago komentariorik