Ana Rosa Quintana Unibertsitateak eskaintzen duen Kazetaritza Masterrak kazetaritzako edozein alor –papera, interneta, ikus-entzunezkoa edo PVC- praktikan jartzeko oinarrizko formazioa eskaintzen du. Irakasgaiaren programa eta espezializazioaren araberako helburuak azalduko ditugu jarraian.
Telebistako albistegien aurkezleak
– Zartako eta heriotza absurdoak azaltzen dituzten YouTubeko bideoak hautatzeko metodologia.
– Bi tren istripuren berri ematen duen programan aurpegi serioa mantentzeko oinarriak.
– “Hau da” hasiera azaltzen duten esaldien kateatzea.
– Kirolak aurkezten dituen kideari paso eman aurretik kontatutako txisteen hobekuntza.
– Ile inplanteak eta lehen mailako zirujia estetikoa.
– Tontoa iruditu gabe, albistegiaren amaieran mini ordenagailua itzaltzeko teknika.
Kirol kazetaritza irratian
– Elkarrizketatutako kirolariari koipea emateko teknikak.
– “Joder” tankerako hitzen erabilera esporadikoa elkarrizketa hutsala nabarmentzeko.
-Orokorrean futbolarien neskei buruz eta partikularki neska brasildarrez hitz egiterako orduan egindako komentario matxista eta zentzurik gabeko txisteak egitea.
-Denbora zehaztasunik gabe hitzaren azken bokala luze mantentzeko teknika. Oso praktikoa da partida baten kontakizuna egitean hurrengo komentarioa pentsatzeko astia ematen baitu.
-“Zodiaco Dorado”-ko Kaballeroaren mailako forofismo, demagogia, atajo eta abantaila.
Kirol kazetaritza idatzia
-Artikulu bakoitzean Cervantes sarien irabazlea izan zintezkeela erakutsi, baina argi gera dadila nahiago duzula kirol sailean lan egin.
-Partiduaren kronikan, emaitza edo markagailuaren inguruko pista emango duen informazio oro ezkutatzea.
-“Esaldi bat, zazpi metafora” metodoaren ikaskuntza.
-Gradu amaierako lana El País egunkarian azalduko den Real Madrid-eri buruzko panfletoa izango da.
Magazine kulturaleko idazlea
– “Top 10” zerrendaren lanketa. Muina zabor hutsa izango duen izenburu erakargarrien sorkuntza.
– Elkarrizketaren izenburu gisa elkarrizketatuak esan ez duen esaldia kakotx artean jartzea.
– “El scroll es tu amigo” dokumentala ikustea.
– Futbolari bat elkarrizketatzea, Nobel Saria irabazi duen pertsona elkarrizketatzea baino interesgarriagoa dela Google Analytics bidez azaltzea.
– Belaunaldien nostalgia, gustu maioritarioak eta leku berak. Bigarren mailako teoria eta praktika.
Moda eta Tendentzien Bloga
-Errespetatu beharreko arau bakarraren ikasketa eta memorizazioa: ortografia ez da fashion-a.
Zinema kritikaria
– Profesio eginiko bizioa, voyeurismo-tik boyerismo-ra.
– Frustrazioak deskargatzeko zinemagile arrakastatsuen hautaketa.
– Barruan daramazun gaiztotasuna disimulatzeko izaera indartsu baten sorkuntza.
– Duela 40 urte baino gutxiago sortu den filmak onak ez direlako konbentzimendu eta transmisioa.
Gune gatazkatsuetako kazetaria
– Berriaren protagonismoa bereganatzeko teoria eta praktika.
– Kasko eta antibala txalekoekin egindako book-a.
– Arrisku bizian zaudela komunikatzeko 100 era bereizi azaltzea.
– Kazetaritza belikoari buruzko analisia “ Telebistan dutxatu eta bizarra eginda azaltzen bazara, ez zabiltza fin lanean”.
– Alemania naziarekin egindako edozein arraza, erlijio, politika enfrentamenduren konparaketa eta analogiak. Oinarrizko maila.
Guztiontzat berdina den gaia
-Titularra idazteko orduan, Kazetaritza Berriaren Egia errespetatzea: “ Esaldiak bi zentzu baditu, barrea ziurra da”.
Ez dago komentariorik