Liburu denden inguruko eztabaida
(gazteleraz)
“Todas las librerías son librerías de viaje” (maiatzak 3) eta “Todas las librerías son centros culturales” (maiatzak 4) izenburupean, Nazioarteko liburu-saltzaileen topaketa egingo da Koldo Mitxelena liburutegian DSS2016EU eta Gipuzkoako liburu-saltzaileen Gremioaren laguntzarekin. Bertan bilduko dira Colonnes (Tanger), Ulysses (Paris), Nollegiu (Bartzelona), Ler Devagar (Lisboa) eta Tipos Infames (Madril) liburu denda guztiz gomendagarrietako ordezkariak.
Lehenengo egunean, liburudendek literaturaren memoria gisa duten rolaren inguruan ariko dira. Bigarrenean, haien izaera hibridoan zentratuko dira: liburudendak erdigune neuralgiko gisa; erakusketak, tertuliak, kafea… Bi egunetan, hitzorduak leku eta ordu berean izango dira: 19:00tan, Koldo Mitxelenako areto nagusian.
Poch-en figura desestaltzen
(elebiz)
La Movida madrileña delakoan nagusitu zen gaztea. Derribos Arias-eko liderra “Groseko hondartzako mutilik zurbilena” izan zen. Literaktumek Ignacio Gasca, Poch ezizenez ezaguna (Donostia, 1956-1998) omenduko du “Pochicuentos” izeneko erakusketarekin.
Mariví Ibarrolaren (Najera 1956) argazkiek eta German Coppiniren (Santander 1961, Madril 2013) testuek osatzen dute erakusketa. Biak zebiltzan liburu baten proiektuan lanean Coppini hil zen arte. Erakusketa Ernest Lluch kulturgunean bisitatu ahal izango da, maiatzaren 6tik ekainaren 30era bitarte.
Elvira Lindorekin kafea hartuz
(gazteleraz)
Txikitan Manolito Gafotas-en abenturak irakurri, eta Elvira Lindori liburuen munduan sartu izanagatik eskerrak eman nahi dizkiozu? Bada, idazlearekin kafe bat hartu eta harekin hitz egiteko aukera izango duzu. Literatkum jaialdiko harribitxietako bat da “cafés con escritores” ekimena; aurten Elvira Lindo eta Juan José Millás (Valentzia 1946) izango dira idazle gonbidatuak.
Talde txikiak izanik (12-15 pertsona) zozketa egin behar izaten da, beraz, bertaratzeko gogoz dabilen horrek kulturetxeetan eman beharko du izena. Plazarik lortu ezean, ez etsi: Elvira Lindok Noches sin dormir liburua aurkeztuko du Tomasene kulturetxean, maiatzaren 4ean (asteazkena) 19:30tan.
Rivas eta Rozas-en arteko dueloa
(galegoa eta euskara)
Manuel Rivas (A Coruña, 1957) eta Ixiar Rozas (Lasarte-Oria, 1972) duelu poetiko batean murgilduko dira. Haien lanetako fragmentuak irakurtzeaz gain, inspirazio gisa erabili dituzten beste autore batzuen lanak irakurriko dituzte, baita Cervantes eta Shakespearen lanen zatiak ere; izan ere, aurten 400 urte dira bi idazle hauen heriotzetik. Groseko Garoa liburudendan izango da ekimena maiatzaren 12an (osteguna) 17:00etan.
Liburuak eta futbolaren arteko nahasketa
(gazteleraz)
Oraindik futbola eta liburuen arteko binomioa ezinezkoa dela uste duzu? Asko dira, egun, gizartean eragin handia duen kirolaren inguruko liburuak. Aixa de la Cruz (Bilbo, 1988) idazlea dinamizatzaile lanetan ariko da Santiago Roncagliolo idazle eta kazetariak (Lima, 1975) eta Santiago Segurola kirol kazetariak (Barakaldo 1957) eskainiko duten hitzaldian. Zita futbol zelai batean izango da. Beno, ondoan: Ernest Lluch kulturetxeko areto nagusian, maiatzaren 13an (ostirala) 19:30tan.
Atxagaren unibertsoan barrena
(euskara)
Donostiatik aterako da Literaktum “Muskerraren bidea” esploratzeko. Bernardo Atxagaren jaioterrira joango gara, Asteasura, Tolosaldea eskualdera. Asteasuko udalak eta DSS2016EU-k elkarlanean sortutako ekimena da honakoa, eta idazleak Obabakoak lanean erakutsi zuen munduan barrena murgiltzeko aukera eskainiko dute.
Ibilbideak bi kilometro ditu gutxi gorabehera; Obaba eta bertako biztanleen inguruko zazpi panel informatibo egongo dira QR kodigoekin. Literatkumek gomendatzen duen irteera maiatzaren 14ean izango da, larunbatean, 11:30tan. Aurretik izena eman beharko da Alderdi Ederreko liburutegian.
Roth-en isilpeko kontuak ezagutzen
(ingelesez)
Philip Roth modan dago (beharbada, beti egon izan da modan). Hori baieztatzen du Roth desencadenado (Claudia Roth Pierpont, Random House, 2016) liburuak eta noski, baita Pastoral americana, La mancha humana edo Némesis liburuek ere. Jordi Fiblak (Bartzelona, 1946) idazlearen 19 eleberri itzuli ditu, eta bere “idazle kuttuna” dela aitortu du. Maiatzaren 11an, Alderdi Ederreko karpan 19:30tan, Fibla Rothen isilpeko kontuez ariko da, batez ere, Elegia (Everyman) liburuaren inguruan. Slawka Grabowska, Donostia Book Club-eko antolatzailea, ariko da dinamizatzaile lanetan,
Ez dago komentariorik