08:01 Kafe makinaren inguruan lehenengo bilera informala burutzen da. Conquis eta Jani Markelen aterki ahulak dira pil-pilean dauden gaiak.
08:10 J. eta M.-ren artean eztabaida gogorra: ez dira ados jartzen 40 Principales edo Euskadi Gaztea jartzeko. Bitartean Risk jokora partidatxo bat jolastea erabakitzen dute.
09:08 Lehenengo konga.
10:35 A.-k ezin du mingain puntarekin sudurra ukitu eta ondorioz dimisioa aurkezten du. Ziztu biziko bilera batean ondorioztazen da hartutako erabakia 24 orduz atzeratzea.
09:25 Isilpeko botazioa kimonorik politena aukeratzeko. Ia beti bezala R.-k irabazten du.
09:55 K.-k Linkedinen duen perfila gaurkotu nahi du. “Pamplona y alrededores” informazioa aldatzeko laguntza eskatzen du, Donostian egiten baitu lana. Talde osoak K. lagundu nahi du eta egiten ari zirena alde batean uzten dute. S. ez da konturatzen hatzetan donuts hondarrak dituela eta ordenagailuaren pantaila zikintzen du. Krisi latza. R negarrez hasten da. Hamaiketakoa laster iritsiko da.
11:34 J-k Siam kontrolatzen du eta horrela M-ren soldadu australiarrak ezin dira erreinu hartara sartu.
11:42 2016ko programa “Biblia” gisa ezagutzen da langileen artean eta galdu egin dute. Beldurrez dardarka, leihotik saltatu nahi dute baina fisikoki hain gaizki daudenez 3 metro korri egin eta gero asfixiatuak erortzen dira lurrera. Zorionez, ez da ezer pasa.
11:47 Garbitasunaz arduratzen diren langileentzat, aldiz, 2016ko programak “post-it” du izena eta ordenagailuen pantailetan aurkitu dute itsatsita.
11:58 Bigarren konga. Pozik daude, ez baita azkenean 2016ko programarik galdu.
12:25 Telefonoaren timbreak lantokian dagoen lasaitasuna nolabait apurtzen du eta MMMCCXXII. Paperezko pajariten txapelketa garailerik gabe geratzen da.
12:56 M-k Risken partida tenporalki utzi nahi du. J-k haren coach pertsonalari deitzen dio eta azkenean atzerapena onartzen du.
13:26 Pilak agortzen dira eta 2016ko urtarrilaren 1-eko kontadorean 0 jartzen du. L.-k paperezko trituradorean Rockdelux guztiak sartzen ditu, A-k komunetik botatzen du marihuana duen poltsa bat eta dimisioa-itzi-2.docx dokumentoa 48 aldiz imprimitzen da.
13:40 Hirugarren kongan konturatu dira oker zenbiltzatela eta oraindik 2014ean gaudela. Depresioa eta estresaren ondorioz bi pertsonek lana uzten dute.
14:03 Komite baten ondoren protokolo bat fijatzen dute erlojuaren akatsa errepikatu ez dadin. 24 hilabete barru lehenengo borradorea prest egon beharko da eta prentsaurreko batean aurkeztuko dute.
14:21 R-ren alaba barizelakin dabil. Oso kolpe latza da guztiontzat. Merezi al du horrela lana egitea? Familiarekin dituzten erlazioak, lagunekin, kuadrillan eta euskaltegian okertzen ari dira. Hain gogor lan egitea ez da ona eta lasaiago arituko dira aurrerantzean. Kartel erraldoi batek dio: “Kultura kapital anitz daude, bizitza pribatu bakarra”.
15:00 Irteera ordenatua. dena ondo. Ez da gorabeherarik egon.
Ez dago komentariorik