1.- Mogambo (Trintxerpe, Azkuene 17)
Gustatzeko arrazoiak: Urte Zaharreko gaua da Moganbo aretoak antolatzen dituen festen artean nagusia. Jendea mozorrotua joan ohi da (ez da beharrezkoa). Hasieratik amaierara, eromena. Atsedenik ez.
Zer aurkituko duzun: urtea amaitzeko inauteri bizarro-freak-a. Egundoko punk-rock taldea (The Capaces) eta ukitu elektronikoak dituen rock talde jostagarria (Munlet). Gainerakoak bezain frikiak diren bi Dj (Nokono, Naturista).
Sarrera: 30 euro (barra librea)
2.- Dabadaba (Mundaiz 8)
Gustatzeko arrazoiak: freskotasuna, Dj hautaketa ona, iazko arrakasta… Aurtengo kartela, gainera, guztietan onena da.
Zer aurkituko duzun: zapore tropikaleko musika, eta sorpresetarako tartea. Azken urteotan klub europarretan egon den puntako Dj txiletarra, Matías Aguayo. Meneoren desparpajoa, We Love Dolce Vita talde bilbotarraren 80ko hamarkadako musika, Amy Plin kolektibo femeninoaren pop sormena… Eta noski, indarrak hartu eta deskonektatzeko terrazatxoa.
Sarrera: 50 euro (5 kopa, 2 txupito, hasierako koktela, eta gehiago)
3.- Guardetxea (Elviria Zipitria, Urgull)
Gustatzeko arrazoiak: Denetarik egongo da; musika ez da Guardetxeko Urte Zahar gauko osagai bakarra. Festarik eklektikoena izango da. Eta proposatzen ditugun festetatik, doakoa den bakarra. Ingurua ere, zoragarria: Urgull mendia eta Kontxako badia fondoan.
Zer aurkituko duzun: ikustekoak eta perfomance pixka bat. Dj andana (Aitona Julian eta Osaba Migel, Aintzane Revuelta, Telmo Trenor, Dj Keko, Teknomadak, Anamorphose eta Santi Solano…) eta Guardetxearen xarma.
Sarrea: Doakoa
4.- GU San Sebastián (Náutico)
Gustatzeko arrazoiak: Nautikoak dauzkan bistak, zoratzekoak dira. Horretan, festa batek ere ez du Nautikokoa gaindituko. Modan dagoen 20ko hamarkadako dekorazioa hautatu dute, gainera.
Zer aurkituko duzun: 20ko hamarkadako eszena, Staff-ekoak gisa horretan jantziko dira (perladun koilareak, eskularru luzeak, mary jane zapatak…) dekorazioa ere, ildo beretik joango da. Alex del Toro eta George S. Dj-ek musika arrakastatsua jarriko dute.
Sarrera: 60 euro, eta hegan doaz. 5 kontsumizio eta 5 txupito
Ez dago komentariorik