Madrileko Malasaña auzoko rock and roll tabernetan (Weirdo, Louie Louie, Groovie) egon denak jakingo du zertaz ari garen. Aldamar kalea eta Paseo berriarekin iskina egiten duen Eiger tabernak antzinako rock and roll tabernek zituzten ezaugarri bertsuak ditu. Hasteko, binilo diskoak daude entzungai, single-ak gehien bat, eta tabernako bezero gehienak dj lanetan aritzen dira asteburutan. Modu honetan egin zen Alvaro Fernandez , “Alvaro Oh” ezizenez ezagutua dj munduan, ohiko bezero Eigerren.
Gaur barraren beste aldean dago eta pasaden igande arratsaldean esan zigunez “2003 edo 2004. urtean pintxatu nuen taberna honetan lehendabizikoz”. Solasean ari garen bitartean etxe honetan ohikoak diren power pop abestiak daude entzungai. Kasualtitatez, bi egun lehenago zegoen gizon bera dago tabernan. Alvarok Estrella Damm garagardoa zerbitzatu dio gizon honi. Elkarrizketa hau ostiralean genuen hitzartua, baina Eigerren asteburutan pilatzen den jende andanal, hitzordua atzeratu zuen. Alvarok laburtzen duenez, “Pinkik (aurreko jabeak) denbora zeraman taberna utzi nahian, eta lan egiten nuen kontsultoriak itxi ondoren aukera berria ikusi nuen hemen, eta azkenerako, dena ondo atera zen.”
DJ-aren arabera, publikoa ezberdina da: mod-ak batzutan, eta rocker-ak bestetan, pasaden larunbatean ikusi ahal izan zenez. Gau zitalagoak ere egoten dira, eta horietan tatxetez beteriko gerrikoak dituzten pertsonak egon ohi dira. Soul eta R&B gauetan ordea, badago nothern soul dantzatzen duenik ere. Ikusi daitekenez beraz, tribu urbanoen erakusleihoa ere bada Eiger, eta honek izaera eta kolorea ematen dio tabernari.
Asteburutan, arratsaldeko seietatik, goizeko hiruetara dago irekita taberna. “Pasaden egunean bezero batzuek biniloa pintxatzen genuen galdetu ziguten. Ez zuten sinisten” azaldu du Alvarok jarraian biniloen mitizismoaz eta barraren bi aldeetatik kontagiatzen den formatu fisikoaren inguruko erromantizismo fetitxistaz hitz egiteko. “Beti ibili izan naiz giro musikaletan murgilduta, baina taberna honetan lanean nagoenetik, jendea diskoaren orijinaltasunean asko fijatzen dela ohartu naiz. Musikaren talibanak dira!” dio par artean.
2014ean ere, bere izaerari fidel izaten jarraituko du Eigerrek. Ez da aldaketa edo iraultzarik espero. Iritsiko direnak baina, berrikuntzak izango dira: barrena margotuko da, programazio musikala sakonduko da, asteazkenetako pintxo-potea potentziatuko dute… Alvarok bizitza gehiago eman nahi dio tabernari, dinamizatu egin nahi du. Eiger, Malasaña zati bat den Donostiako tabernak espazioaren ordenamenduan ere Weirdoren antza du: txikia baina erosoa nahiz eta batzuetan itogarria ere baden. Rock and Roll gauak ez lirateke berdinak izango bera gabe.
Ez dago komentariorik